პრეზიდენტ სალომე ზურაბიშვილის განკარგულებით საკანონმდებლო ორგანოში ხვალ დეპუტატები უნდა შეიკრიბნონ. რიგგარეშე სესიის ჩატარებისა და რეკომენდაციების შესრულების აუცილებლობაზე კომენტარს აკეთებს საპარლამენტო ფრაქცია ,,ერთიანი ნაციონალური მოძრაობა – ძალა ერთობაშიას“ წევრი რომან გოცირიძე:
,,ეს არის საკონსტიტუციო მოთხოვნები. პარლამენტიდან გამომდინარე პრეზიდენტმა დანიშნა რიგგარეშე სხდომა და არავის აქვს უფლება, რომ სხდომა ჩაშალოს და ფეხქვეშ გათელოს კონსტიტუცია.
მათ აქვთ უფლება მოვიდნენ და ჩააგდონ ყველა საკითხი, რაც უნდათ. კი ბატონო. ეს იქნება სამართლებრივად სწორი, მაგრამ ის, რომ რაღაც ხრიკებით არ მოვიდნენ, ბოქლომი დაადონ შესასვლელ კარებს ან თქვან, რომ ისინი არ ღებულობენ მონაწილეობას ამ განხილვებში და ა.შ. – ეს იქნება აბუჩად აგდება ჩვენი მოქალაქეების და კონსტიტუციის თავზე გადახევა მთელი ქვეყნისათვის.
გამოჩნდება სინამდვილეში, ეს არის დიდი ტესტი. მართლა აპირებს ამ 12 რეკომენდაციის შესრულებას ,,ქართული ოცნება“ თუ დაადგება იმ ტრიუკების გზას, რაც არაერთხელ გვინახავს. გადაიხდის პოლიტიკურ ფასს. იქნება ძალიან სერიოზული ზეწოლა ჩვენს საერთაშორისო მეგობრებისგან, რომელსაც ჰქვია სანქცია“, – განაცხადა რომან გოცირიძემ.
ავტორი
ნინი ხიჯაკაძე
