“დღეს გვაქვს შეხვედრა ექსპერტებთან და მიხეილ სააკაშვილის ადვოკატთან” – მარიამ ჯიშკარიანი

საქართველოს მე-3 პრეზიდენტის საქმეში ამერიკელი ექსპერტები ერთვებიან. წამების მსხვერპლთა ფსიქოლოგიური რეაბილიტაციის ცენტ ,,ემპათიას“ დირექტორი მარიამ ჯიშკარიანი კომენტარს აკეთებს მიხეილ სააკაშვილის საკითხთან დაკავშირებით:

,,დღეს გვაქვს შეხვედრა ექსპერტებთან და ასევე მიხეილ სააკაშვილის ადვოკატთან. უნდა განვიხილოთ ის შეკითხვები, რომელიც დამატებით დასვა ადვოკატმა.

გარდა ამისა, მიმდინარე სიტუაციაში, ვინაიდან იცით, რომ კლინიკა ,,ვივამედში“, სამწუხაროდ, დაგვიანებით დაიწყო გარკვეული კვლევები, რამდენად აუცილებელია ჩვენს დასკვნაში იყოს ასახული ამ კვლევების შედეგები.

რაც შეეხება ახლა უცხოელი ექსპერტის ჩამოსვლას, რა თქმა უნდა, მივესალმებით ყველა ექსპერტის ჩამოსვლას. ასევე, გადავცემთ ჩვენს დასკვნას ადვოკატს და თვითონ გამოსაკვლევ პირს. შესაბამისად, შეუძლიათ გააცნონ ჩვენს კოლეგებს. ჩვენც შევხვდებით და გავაცნობთ ჩვენს მოსაზრეებებს“, – განაცხადა მარიამ ჯიშკარიანმა.

ავტორი
ნინი ხიჯაკაძე