“მიხეილ სააკაშვილის მდგომარეობა არ არის სტაბილური და მოითხოვს დამატებით გამოკვლევებს” – ოთარ თოიძე

საქართველოს მე-3 პრეზიდენტის სამედიცინო დასკვნის გამოქვეყნება გადაიდო. კომისიის წევრი ექიმი-ნევროლოგი ოთარ თოიძე აღნიშნავს, რომ მიხეილ სააკაშვილის ჯანმრთელობის მდგომარეობა არასტაბილურია და შესაბამისად, საჭიროებს დამატებით კვლევებს:

,,მისი მდგომარეობა ფლუქტუირებს ანუ არ არის სტაბილური, შესაბამისად, მოითხოვს ეს დამატებით გამოკვლევებს. ვინაიდან გამოკვლევებზე მიბმულია მკურნალობის ტაქტიკის საკითხები.

რამდენ ხანს გაგრძელდება? – ამაზე გვიჭირს პასუხის გაცემა.

სავარაუდოდ, ეს არ იქნება ერთი და ორი კვირა, ლაპარაკია თვეებზე, რომელიც პაციენტმა უნდა გაატაროს შესაბამის სამედიცინო დაწესებულებაში.

კვლევები არ არის მარტივი. იქნება საკმაოდ რთული გამოკვლევები, ფაქიზი კვლევები. ამიტომ ჩვენ დროს ვერ გეტყვით. გააჩნია, ტექნიკურად როგორ მოახერხებს ამას საავადმყოფოს ადმინისტრაცია“, – განაცხადა ოთარ თოიძემ.

ავტორი
ნინი ხიჯაკაძე