პარტია ,,გირჩის“ ლიდერი იაგო ხვიჩია პოლიტკურ შეფასებას აკეთებს ეროვნული თანხმობის მთავრობის შექმნასა და პრემიერ-მინისტრის, ირაკლი ღარიბაშვილის გადადგომის მოთხოვნაზე:
,,ჩემი აზრით, ორივე მოთხოვნა არასერიოზულია. პირველი – ირაკლი ღარიბაშვილის გადადგომა არასერიოზულია, თუ შენ გჯერა, რომ ქვეყნის რეალური მმართველი სულ სხვა ვინმეა.
მეორე მოთხოვნას, რაც შეეხება ეროვნული თანხმობის რაღაცის შექმნას – ასევე არასერიოზულია იმიტომ, რომ არავინ არ იცის საიდან მოდის ლეგიტიმაცია?! ვინ არის ეს ხალხი? ვინ არჩევს ამ ხალხს და ვისი სახელით მოქმედებს ეს ხალხი? რატომ ვენდობით ამ ხალხს და ვინ ნიშნავს მათ თანამდებობაზე?
მე ვფიქრობ, რომ ორგანიზატორები ამ აქციის პრობლემაა ერთ-ერთი იმიტომ, რომ ასეთი მოთხოვნების დაყენებით, მერე ხალხის ხშირად შეკრება და დაშლა – ეს ყველაფერი ადამიანების ნიჰილიზმს იწვევს.
ანუ რამ შეიძლება გამოიწვიოს ასეთი კრიზისი, რაც ახლა ხდება ქვეყანაში?! – ჩემი აზრით, არაფერმა, გარდა არჩევნებისა“, – განაცხადა იაგო ხვიჩიამ.
ავტორი
ნინი ხიჯაკაძე
