პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის მიერ დაფიქსირებულ კონკრეტულ პოზიციას მწვავე, ემოციური შეფასებებით ეხმაურება საქართველოს სახალხო დამცველი, ნინო ლომჯარია:
“რაო??? რას ბედავთ თქვენ??!!
საქართველოს მოსახლეობის უმრავლესობამ და კონსტიტუციამ უკვე გადაწყვიტა ევროპული არჩევანი.
ამ ქვეყნის სახელით ამის თქმის უფლება ვინ მოგცათ???” – წერს ფეისბუქის პირად გვერდზე ნინო ლომჯარია.
ინფორმაციისთვის: საპარლამენტო უმრავლესობის წევრმა, დიმიტრი ხუნდაძემ მედიასთან კომენტარში, ევროკავშირის მხრიდან საქართველოსთვის კანდიდატი ქვეყნის სტატუსის მინიჭების საკითხთან დაკავშირებით განაცხადა, რომ თუ საქართველო აღნიშნულ სტატუსს უსამართლო ვალდებულებებით მიიღებს, მაშინ ქვეყანამ უარი უნდა თქვას მასზე. მისი თქმით – “სტატუსის მისაღებად ღირსებას ვერ დავთმობთ!“
