,,ლეიბორისტულმა“ პარტიამ რიგით მერვე ყრილობა გამართა და პოლიტიკური საბჭოს ახალი წევრები დაამტკიცა. ყრილობის დასრულების შემდეგ პარტიის თავმჯდომარემ, შალვა ნათელაშვილმა ჟურნალისტებთან კომენტარი გააკეთა:
,,ჩატარდა ,,ლეიბორისტული პარტიის“ ისტორიული, რიგით მერვე ყრილობა. განხილულ იქნა ორგანიზაციული საკითხები.
რაც მთავარია პარტიამ მიიღო მიმართვა ყველა პოლიტიკური ოპოზიციური ძალისადმი, რათა ერთობლივად მოვაწეროთ ხელი ქვეყნის მახრჩობელა ბიძინა ივანიშვილის საერთაშორისო სანქცირებაზე სპეციალურ მიმართვას.
აი, ვნახოთ, რამდენს უნდა კოსმეტიკის გამო ოპოზიციონერობა და რამდენს სურს რეჟიმის შეცვლის გამო ოპოზიციაში ყოფნა?!“, – განაცხადა შალვა ნათელაშვილმა.
ინფორმაციისთვის: დღეს გაიმართა ,,ლეიბორისტული“ პარტიის რიგით მერვე ყრილობა, სადაც არჩეულ იქნა პარტიის ახალი პოლიტიკური საბჭო, ხოლო თავმჯდომარის პოსტი ისევ შალვა ნათელაშვილმა დაიკავა.
ავტორი
ნინი ხიჯაკაძე
