საპარლამენტო უმრავლესობის წევრი ირაკლი ზარქუა ევროპას მოუწოდებს ერთიანობისკენ პრინციპულობასა თუ გახმოვანებულ გზავნილებში და აცხადებს, რომ საქართველო იცავს ყველა იმ გზავნილს, რაც დაწესებული აქვთ:
,,ჩვენ აგრესორის წინააღმდეგ დაწესებულ ფაქტიურ ყველა ადეკვატურ სანქციას მივუერთდით. მათ შორის ყველა საერთაშორისო პლატფორმაზე ვთქვით, რომ რუსეთი ოკუპანტია და მივიღეთ შესაბამისი გადაწყვეტილება.
ჩვენ ასევე ვთქვით, რომ არც ერთი სანქცირებული პირი ან ბიზნეს ინტერესი არ იქნება საქართველოში. ჩვენ ვიცავთ ამ ევროპულ გზავნილს. ჩვენ ვიცავთ ყველა იმ კრიტერიუმს, რაც დაწესებული აქვს აგრესორის წინააღმდეგ.
მე მოვუწოდებდი პირიქით ევროპას, რომ იყვნენ ერთიანი თავიანთ პრინციპულობაში და ერთიანი იმ გახმოვანებულ გზავნილებში, რაც მათ გააკეთეს 24 თებერვლის შემდეგ. მე ამას ვისურვებდი. ჩვენ ვართ მტკიცედ და მყარად“, – განაცხადა ირაკლი ზარქუამ.
ავტორი
ნინი ხიჯაკაძე
