“პრემიერისთვის არ არის მნიშვნელოვანი და პრიორიტეტული ადამიანის სიცოცხლე და ჯანმრთელობა” – სოფო ჯაფარიძე

ექიმი სოფო ჯაფარიძე კომენტარს აკეთებს საქართველოს მე-3 პრეზიდენტის ჯანმრთელობის მდგომარეობაზე და ამასთან შეფასებას აძლევს ხელისუფლების, პრემიერ-მინისტრ ირაკლი ღარიბაშვილის დამოკიდებულებაზე მიხეილ სააკაშვილთან მიმართებაში:

,,ჩვენი ხელისუფლებისთვის ადამიანების სიცოცხლე და ჯანმრთელობა პრიორიტეტული ნამდვილად არ არის. დღეს, როდესაც ადამიანის სიცოცხლეზეა საუბარი; დღეს, როდესაც პრეზიდენტის სიცოხლესა და ჯანმრთელობაზეა საუბარი, პრემიერი გამოდის და იძახის, რომ არ გადავიყვან, არ გადავიყვან – იმ პირობებში, როდესაც სააკაშვილის ჯანმრთელობის მდგომარეობა ყოველდღიურად უფრო და უფრო მეტად მძიმდება.

ჩვენ ვნახეთ, რომ საქართველოში ვერ მოხერხდა მისი ჯანმრთელობის მდგომარეობის დასტაბილურება, პრემიერი კი ამბობს, რომ ,,არ გადავიყვან“. იმიტომ, რომ მისთვის არ არის მნიშვნელოვანი და პრიორიტეტული ადამიანის სიცოცხლე და ჯანმრთელობა.

ისინი, როგორც ყოველთვის თავიდან ბოლომდე ორიენტირებულები არიან პოლიტიკურ შურისძიებაზე. ესეც ერთ-ერთი ნათელი მაგალითია“, – განაცხადა სოფო ჯაფარიძემ.

ავტორი
ნინი ხიჯაკაძე