“ევროკავშირის დოკუმენტში გაჩნდა ჩანაწერი, უკრაინასთან ერთად, ევროკავშირში საქართველოს და მოლდოვას დაჩქარებული გაწევრიანების შესახებ” – სერგო ჩიხლაძე

მიღებულ იქნა მაღალი დონის დოკუმენტი, რეზოლუცია და პირველად, ევროკავშირის დოკუმენტში გაჩნდა ჩანაწერი, უკრაინასთან ერთად, ევროკავშირში საქართველოს და მოლდოვას დაჩქარებული გაწევრიანების შესახებ, – ამის თაობაზე „სტრატეგია აღამაშენებლის“ ერთ-ერთმა ლიდერმა, სერგო ჩიხლაძემ და რესპუბლიკური პარტიის თავმჯდომარემ ხათუნა სამნიძემ ბრიფინგზე განაცხადეს.

მათი თქმით, აღნიშნული რეზოლუციის მიღება არის უდიდესი გამარჯვება.
როგორც ოპოზიციური პარტიის ლიდერებმა განაცხადეს, ამ დოკუმენტს ევროპარლმენტარები დაეთანხმნენ.

„დღეს, რამდენიმე საათის წინ შედგა „ალდეში“ შემავალი პარტიების სამიტი, რომელიც არის უმსხვილესი ფრაქცია ევროპარლამენტში და „ალდეს“ წევრები არიან „სტრატეგია აღმაშენებელი,“ „რესპუბლიკური პარტია“ და „თავისუფალი დემოკრატები“ – მიღებულ იქნა მაღალი დონის დოკუმენტი, რეზოლუცია და პირველად, ასეთი დონის, ევროკავშირის დოკუმენტში გაჩნდა ჩანაწერი, უკრაინასთან ერთად, ევროკავშირში საქართველოს და მოლდოვას დაჩქარებული წესით გაწევრიანების შესახებ.

ეს არის უდიდესი გამარჯვება და ეს ინიციატივა იყო ჩვენგან შეტანილი, რაშიც დაგვეთანხმნენ ჩვენი ევროპარლმენტარები.

ინიციატორი იყო პირადად გიორგი ვაშაძე, რომელიც ესწრებოდა ამ სამიტს. ამ სამიტს ასევე ესწრებოდნენ ხათუნა სამნიძე და თამარ კეკენაძე.

ეს არის უდიდესი გამარჯვება მაშინ, როდესაც საქართველოს ხელისუფლება არაფერს აკეთებს ამასთან დაკავშირებით. ეს არის პირველი გამარჯვება საქართველოს დამოუკიდებლობის 30-წლიანი ისტორიის მანძილზე“, – განაცხადა სერგო ჩიხლაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს