ყოვლადწმინდა სამების სახელობის საპატრიარქო ტაძარში საშობაო ქადაგებისას სრულიად საქართველოს კათოლიკოს-პატრიარქმა ილია II აღნიშნა, რომ ჩვენ დიდი განსაცდელი გამოვიარეთ, თუმცა შეიძლება კიდევ იყოს განსაცდელი, მაგრამ უნდა გვახსოვდეს, რომ უფალი ჩვენთან არს:
,,ჩვენთან არს ღმერთი!
გილოცავთ ქრისტეშობის დიდ დღესასწაულს!
დღეს ცა და ქვეყანა ზეიმობს, დღეს ცა და ქვეყანა გალობს საგალობელს: ,,დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება!”
ეს მიგვითითებს იმაზე, რომ უნდა ვადიდოთ უფალი და მშვიდობა იქნება ქვეყანასა ზედა და ადამიანთა შორის სათნოება და სიყვარული.
დიდი განსაცდელი გამოვიარეთ ჩვენ და შეიძლება კიდევ იყოს განსაცდელი, მაგრამ უნდა გვახსოვდეს, რომ უფალი ჩვენთან არს, უფალი გვიფარავს ჩვენ. არის ბრძოლა კეთილსა და ბოროტს შორის, კეთილი გაიმარჯვებს!
დალოცვილი იყავით, იხარეთ ორსავე სოფელსა შინა – სააქაოს და საიქიოს.
დალოცვილი და გახარებული გამყოფოთ მამაზეციერმა.
ჩვენთან არს ღმერთი!”
ყოვლადწმინდა სამების სახელობის საპატრიარქო ტაძარი
7 იანვარი, 2022 წელი
