,,მესამე ძალა – სტრატეგია აღმაშენებელის“ კრწანისის მაჟორიტარობის კანდიდატი დავით ცეკვავა სააგენტო ,,პარალელთან“ ინტერვიუს დროს აღნიშნავს, რომ დღევანდელი დღე არის უმნიშვნელოვანესი ქვეყნის ისტორიაში და საქართველოში ორპოლუსიანობის დასრულების დრო დგება:
,,2 ოქტომბერი უმნიშვნელოვანესი დღეა საქართველოსთვის და დგება ის ეტაპი, როცა ქვეყანა ან ისევ გააგრძელებს შუღლს, დაპირისპირებას, სახელმწიფო ინსტიტუტების ჩამოშლას, გაგრძელდება უნიათო, უპასუხისმგებლო მმართველობა, პრობლემების სხვაზე გადაბრალება ან გამოვა ორპოლუსიანი ქაოსიდან, როცა ხმას ,,მესამე ძალას“ მისცემს და ქვეყანაში დაიწყება აღმშენებლობის პროცესი.
ჩვენი გუნდი აიღებს პასუხისმგებლობას ქვეყნის განვითარებაზე და პროფესიონალები უხელმძღვანელებენ ამ პროცესს! ჩვენი გუნდი გამოასწორებს წლების განმავლობაში დაშვებულ შეცდომებს!
ჩვენ ვართ ის გუნდი, ვისაც ძალუძს დაპირისპირების თანამშრომლობაში გადაყვანა, სიმშვიდემ რომ დაისადგუროს ქვეყანასა და თითოეულ ჩვენთაგანში! ჩვენ ყველა ერთად ვართ ის მესამე ძალა, რომელსაც ხალხის ძალა ჰქვია!
აქვე უნდა აღვნიშნო, რომ საპილოტე ვერსია ელექტრონული მთვლელის გამოყენებით მხოლოდ კრწანისის მაჟორატულ ოლქში მოხერხდა, რომელიც თვალნათლივ გვიჩვენებს რაოდენ დიდი განსხვავებაა სხვა ოლქებთან შედარებით. ამ პრინციპის მეშვეობით შეგვიძლია ხმების სწრაფად დათვლა და რაც მთავარია, პირდაპირ გვიჩვენებს, რომ ,,ქართული ოცნება“ აყალბებს არჩევნებს“, – განაცხადა დავით ცეკვავამ.
ავტორი
ნინი ხიჯაკაძე
