გუშინ პარლამენტის მიერ პირველი მოსმენით მიღებულ საკონსტიტუციო ცვლილებებთან დაკავშირებით ევროკავშირის ელჩის კარლ ჰარცელისა და საქართველოში აშშ-ს საელჩოს კრიტიკულ განცხადებებს ეხმიანება საპარლამენტო უმრავლესობის წევრი, საფინანსო-საბიუჯეტო კომიტეტის თავმჯდომარის მოადგილე ირაკლი ზარქუა. მისი აზრით საელჩოების განცხადებები უსაფუძვლოა:
,,როცა ახლა საელჩოებიდან აქცენტირება კეთდება გენპროკურორის არჩევაზე კვალიფიციური უმრავლესობით, რომელიც უნდა შემდგარიყო 2026 წელს, ეს მე მგონია, რომ აცდენილია…, შეიძლება ვიღაცას ეწყინოს და ვიღაცას არა.
თუ აქვთ მოლოდინი საელჩოებს, რომ 2026-ში ჩვენ, ასევე, დიდი უმრავლესობით ვიქნებით, კი ბატონო, დიდი პატივია ჩვენთვის და ჩვენც გვჯერა და გვწამს, რომ ასე იქნება. მაგრამ, მაინც მგონია, რომ უსაფუძვლო განცხადება იყო მაშინ, როდესაც ყველა პარტიის მხრიდან იყო კონსესუსი. გუშინ იყო ერთადერთი დღე, სადაც ყველა პარტიამ მხარი დაუჭირა საკონსტიტუციო ცვლილებას. ამ დროს, ასეთი განცხადებები, ჩემი აზრით, ცოტა რეალობას არის აცდენილი“, – განაცხადა ირაკლი ზარქუამ.
ავტორი
ნინი ხიჯაკაძე
