“თავისუფლება და დემოკრატია, ადამიანის ფუნდამენტური უფლება, სიცოცხლის უფლება დგას კითხვის ნიშნის ქვეშ” – პაატა მანჯგალაძე

როგორც ცნობილია ევროპული საბჭოს პრეზიდენტი, შარლ მიშელი საქართველოს რამდენიმე დღეში ესტუმრება პრეზიდენტის სპეციალური მოწვევით, ხოლო ოპოზიციაში შეთანხმების დოკუმენტიდან გამომდინარე მნიშვნელოვანია მიშელის პოზიცია და შეფასებები ქვეყანაში მიმდინარე პროცესებთან დაკავშირებით. აღნიშნულ საკითხთან მიმართებაში კომენტარი გააკეთა ,,სტრატეგია აღმაშენებლის” გენერალურმა მდივანმა პაატა მანჯგალაძემ და განაცხადა, რომ ,,ქართული ოცნება”, თავისი ბოლოდროინდელი ქმედებებით, სერიოზულ დაბრკოლებად და ზიანის მომტანად იქცა საქართველოს და მოქალაქეების ინტერესებისთვის:

,,არ ნახული ძალადობა, სპეცოპერაცია მოუწყეს ჟურნალისტებს – ანუ თავისუფალ სიტყვას ებრძვიან. ასევე, განსხვავებული აზრის გამო, ,,სტრატეგია აღმაშენებლის” ლიდერს გიორგი ვაშაძეს და ჩვენს ფრაქციას თავდასხმა მოუწყეს პარლამენტში – ფიზიკური ანგარიშსწორება მოახდინეს.

თავისუფლება და დემოკრატია, ადამიანის ფუნდამენტური უფლება – სიცოცხლის უფლება დგას კითხვის ნიშნის ქვეშ, ამ ქვეყანაში. ამ საკითხზე გვაინტერესებს ბატონი მიშელის პოზიცია.

ევროკომისია უკვე იხილავს შესაძლებლობას, ვინაიდან სასამართლო რეფორმა არ განხორციელდა მიშელის დოკუმენტის შესაბამისად. იხილავს შესაძლებლობას ფინანსური სანქციების განხორციელებაზე საქართველოსთან მიმართებაში, რომლითაც დაზიანდება ჩვენი მოსახლეობა.

პირდაპირ შემიძლია ვთქვა, რომ ,,ქართული ოცნება” ბოლოდროინდელი ქმედებებით სერიოზულ დაბრკოლებად და ზიანის მომტანად იქცა საქართველოს, ჩვენი ქვეყნის მოქალაქეების ინტერესებისთვის“, – განაცხადა პაატა მანჯგალაძემ.

ავტორი
ნინი ხიჯაკაძე