“სტრატეგია აღმაშენებლის” პოლიტსაბჭოს წევრი, ჯანდაცვის ექსპერტი, მედიცინის დოქტორი სერგო ჩიხლაძე, ქვეყანაში მიმდინარე ვაქცინაციის პროცესის შეფასებისას აღნიშნავს, რომ ვაქცინის კატასტროფული დეფიციტია, ხოლო სინოვაკის ვაქცინას, რომელიც არ არის ავტორიზებული არ გაუწევს რეკომენდაციას, შესაბამისად ოპოზიციონერ პოლიტიკოსს აინტერესებს, თუ რას უპირისპირებს ხელისუფლება პანდემიას და მით უფრო “ინდურ შტამს”, რომელიც შესაძლოა საქართველოშიც გამოვლინდეს:
“მთავარია რას უპირისპირებს ხელისუფლება ინდურ შტამს და ზოგადად კორონავირუსს. ისევ არ გვაქვს ვაქცინები, კატასტროფული დეფიციტია, ისევ საუბარია არა ავტორიზებული “სინოვაკის” ვაქცინაზე, რომელიც არ არის ავტორიზებული და როგორც სპეციალისტი, არაავტორიზებულ ვაქცინას და ნებისმიერ სამკურნალო საშუალებას, რა თქმა უნდა, რეკომენდაციას ვერ და არ გავუწევ.
წლის ბოლომდე შემოსასვლელი 4 მილიონი ვაქცინადან ჯერჯერობით რამდენიმე პროცენტია შემოსული და როგორ ვაპირებთ საზოგადოებრივი იმუნიტეტის შექმნას წლის ბოლომდე, ეს კვლავ გაურკვეველია“, – განაცხადა სერგო ჩიხლაძემ.
ავტორი
სალომე მჭედლიძე
