იუსტიციის უმაღლესი საბჭოს წევრი, ქუთაისის სააპელაციო სასამართლოს თავმჯდომარე დიმიტრი გვრიტიშვილი, დიმიტრი გვრიტიშვილი ეხმიანება ჩატარებული კვლევის შედეგებს, რომელიც საზოგადოებას ეკა გიგაურმა წარუდგინა.
“ეკა გიგაურის ორგანიზაცია განაგრძობს ჭორაობას სარდაფში ჩატარებული “კვლევებით”, რომლებიც ეფუძნება მისდამი ლოიალურად განწყობილი ფოკუს-ჯგუფების გამოკითხვებს!
დღეს მის მიერ გამოქვეყნებული ,,კვლევა“ სხვა არაფერია, თუ არა მსოფლიოში მე-3 ადგილას მყოფი კვლევითი ორგანიზაცია ,,Ipsos France”-ის მიერ უახლოეს წარსულში გამოქვეყნებული კვლევის გადაფარვის უბადრუკი მცდელობა!
ასევე, ეს ,,კვლევა“ მიზნად ისახავს – ვენეციის კომისიას კიდევ ერთხელ შეახსენოს თავისი არსებობის შესახებ და დაანახოს საქართველოს სასამართლოში არსებული ,,პრობლემები“, რომ როგორმე არასამთავრობო სექტორმა მიაღწიოს უზენაესი სასამართლოს მოსამართლეთა შერჩევის შესახებ კანონპროექტზე ვენეციის კომისიისაგან უარყოფითი დასკვნის გაცემას!
სასაცილოა: სასაზღვრო პოლიციის კაპიტან ეკა გიგაურის და ოლიკო შერმადინის ტანდემი უპირისპირდება Ipsos France”-ს და პროფესორ ვან დაიკს 
ამიტომ, ამ ,,კვლევას“ მე სერიოზულად ვერ აღვიქვამ და იმაშიც დარწმუნებული ვარ, ზემოთ აღნიშნულ ვერც ერთ მიზანს მიაღწევს.
სამაგიეროდ, საზოგადოებას ვთავაზობ მართლაც ავტორიტეტული ინსტიტუტების (მსოფლიო ბანკი, ,,The Heritage Foundation” და სხვ) კვლევების საფუძველზე მომზადებულ ვიდეოს, სადაც მკაფიოდაა გამოხატული საქართველოს სასამართლოების პროგრესი.
ენდეთ სასამართლოს!” – განაცხადა დიმიტრი გვრიტიშვილმა
