პოლიტიკური პლატფორმა “სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ,,ერთიანი ნაციონალური მოძრაობის“ თავმჯდომარის, ნიკა მელიას პატიმრობიდან განთავისუფლების თაობაზე. მისი აზრით საჭიროა, რომ ამინისტიასთან დაკავშირებული კონკრეტული მუხლები იქნას მომზადებული, რაშიც ოპოზიციამ უნდა მიიღოს მონაწილეობა:
“პირველი და მთავარი საკითხი ჩვენთვის არის ნიკა მელიას და პოლიტპატიმრების განთავისუფლება, შეთანხმების პირობა ითვალისწინებს, რომ ჩვენც უნდა მივიღოთ ამაში მონაწილეობა. უნდა მომზადდეს ამნისტიასთან დაკავშირებული კონკრეტული მუხლები.
რაც შეეხება ინფორმირების საკითხს, ნიკა მელიასთან და ნაციონალურ მოძრაობასთან წინასწარ საუბარს ადასტურებს ის, რომ “ნაციონალური მოძრაობა” ბოლომდე მონაწილეობდა შეთანხმებაში.
ნაციონალური მოძრაობა ჩვენი შეხვედრის მერე აპროტესტებდა ცეესკოს ნაწილს, არ მოსწონდათ ჟვანიას დარჩენის შესაძლებლობა და აპროტესტებდა 43 პროცენტიან ბარიერს. არასდროს, შეთანხმების მიმდინარეობისას “ნაციონალურ მოძრაობას” არ უთქვამს, რომ ეს პირობები მიუღებელია მისთვის“, – განაცხადა პაატა მანჯგალაძემ.
ავტორი
სალომე მჭედლიძე
