აშშ-ში სამუშაო ვიზიტად მყოფი პარტია “ქართული ოცნების” თავმჯდომარე ირაკლი კობახიძე ვიზიტის შეფასებასთან ერთად ოპოზიციასთან მოლაპარაკებების თაობაზეც საუბრობს და აცხადებს, რომ გარკვეული საკითხების გადასაჭრელად საჭიროა კონკრეტული ნაბიჯების გადადგმა, მათ შორის კომპრომისებზე წასვლაც და საერთაშორისო პარტნიორებისგან რჩევების მოსმენა:
“რა თქმა უნდა ჩვენ გვესმის მინიშნებები, იმასთან დაკავშირებით, რომ “ქართული ოცნება” არის მმართველი პარტია და მას სჭირდება კონკრეტული ნაბიჯების გადადგმა, რათა საკითხები გადაიჭრას. ჩვენ ვაფიქსირებთ მზადყოფნას, რომ გადაიდგას კონკრეტული ნაბიჯები, მათ შორის კომპრომისის მიმართულებით. ეს არაერთხელ დავადასტურეთ და ბუნებრივია მომავალშიც მზად ვართ, რომ კონსტრუქციული მიდგომა გამოვავლინოთ პრინციპების დაცვით, რაც ნებისმიერი შეთანხმების დროს განმსაზღვრელია.
ჩვენ ყველა დეტალზე გვქონდა საუბარი – არჩევნებთან დაკავშირებით, სისხლის სამართლის საქმეებთან დაკავშირებით, ვსაუბრობთ იმაზე, რომ ყველას შეუძლია ნებისმიერი ასპექტის გადამოწმება, რაც არჩევნებსა თუ სისხლის სამართლის საქმეს უკავშირდება.
ყველა დეტალზე ინფორმაციას ვაწვდით ჩვენს საერთაშორისო პარტნიორებს, კიდევ ერთხელ ვიმეორებ, ჩვენთვის ძალიან მნიშვნელოვანია მათგან რჩევების მოსმენა. ყველა დეტალზე ინფორმაციას ვაწვდით ჩვენს საერთაშორისო პარტნიორებს.
კიდევ ერთხელ ვიმეორებ, ჩვენთვის ძალიან მნიშვნელოვანია მათგან რჩევების მოსმენა, რაც საბოლოო ჯამში დაგვეხმარება იმაში, რომ ჩვენ სათანადოდ გადავჭრათ ის საკითხები, რომლებიც უკავშირდება პოლიტიკურ პროცესების სათანადოდ განვითარებას საქართველოში”, “, – განაცხადა ირაკლი კობახიძემ.
ინფორმაციისთვის: ირაკლი კობახიძე აშშ-ში სასამუშაო ვიზიტით 12 აპრილს გაემგზავრა და 16 აპრილამდე სხვადასხვა დონეზე გამართავს შეხვედრებს.
ავტორი
სალომე მჭედლიძე
