“ლეიბორისტული პარტიის” ოფისში დღეს გამართულ ოპოზიციურ პარტიათა ლიდერების შეხვედრას მცირე ხნით დაესწრნენ და შეხვედრა დროზე ადრე დატოვეს “გირჩის” ლიდერებმა. აღნიშნულთან დაკავშირებით განმარტებები გააკეთა იაგო ხვიჩიამ, რომელიც აღნიშნავს, რომ ოპოზიცია თამაშობს მიხეილ სააკაშვილის თამაშს, სადაც მათი ადგილი არ არის:
“ერთხმად დაგვიდასტურეს, რომ ისინი თამაშობენ მიშას თამაშს. მაგალითად კახა კუკავამ მითხრა – გვაცალეთ მიშას თამაშის თამაში.
ჩვენ აღმოვაჩინეთ, რომ მიშას თამაშში ჩვენი ადგილი არ არის.
ჩვენ გვქონდა სულ 3 საკითხი, რომელთა განხილვაც გვინდოდა და ფაქტობრივად ეს სამი საკითხი, რომელზედაც მსჯელობა თუ დაიწყებოდა, აღმოჩნდებოდა, რომ რაც ჩვენ გვინდოდა ის იყო სამართლიანი, შესაბამისად ფაქტობრივად გვითხრეს, რომ ოპოზიცია გადადის სხვა “მოუდზე”, – განაცხადა იაგო ხვიჩიამ.
