ფრაქცია „ქართული ოცნების“ თავმჯდომარე, მამუკა მდინარაძე ეხმიანება გრიგოლ ვაშაძის მიერ “ერთიანი ნაციონალური მოძრაობის” თავმჯდომარის პოსტისა და პარტიის თაობაზე:
„ბუნებრივია ახლა, „ნაციონალური მოძრაობისთვის“ ეს იქნება დამაზიანებელი, როდესაც პარტიის თავმჯდომარე, კონკრეტული გაცხადებული თუ დამალული მიზეზების გამო, მიდის პარტიიდან, ეს ნიშნავს მათი დაშლის ერთ-ერთ წინაპირობას.
„ნაციონალური მოძრაობა“ კიდევ იშლება, რადგან რამდენიმე ნამსხვრევი ამ პარტიის სამწუხაროდ დღესაც არის პოლიტიკური სივრცეში და მცირე წარმატებებსაც აღწევენ საარჩევნო კონტექსტში. კიდევ იშლება ეს ორგანიზაცია. არის გაცხადებული მიზეზები – ანტიდასავლური პროპაგანდა, რომელსაც დაადგა ეს პარტია, როგორც ჩანს შემაწუხებელი აღმოჩნდა მისი ლიდერისთვის და მეორეა, რაზეც მან ვერ ილაპარაკა. ეს არის, ჩემი აზრით, ის ტყუილ-მართალი, რომელიც ერთმანეთში აირია ბოლო პერიოდის განმავლობაში.
როდესაც აღმოჩნდება პარალელურ რეჟიმში, რომ გაყალბდა პარალელური დათვლის მონაცემები, – ეს არის უდიდესი სკანდალი, რაც ერთ-ერთი ფაქტორი იქნებოდა, იმ ბევრ ფაქტორს შორის, რომელმაც შეიძლება გადაწყვეტილება მიაღებინა „ნაციონალური მოძრაობის“ თავმჯდომარეს,“ – განაცხადა მამუკა მდინარაძემ.
