საქართველოს განათლების, მეცნიერების, კულტურისა და სპორტის სამინისტროსთან გაიმართა სსიპ ქალაქ თბილისის #10 საჯარო სკოლის მშობელთა სათათბიროსა და მასწავლებლების მიერ ორგანიზებული აქცია.
19 სექტემბერს გამართულ აქციაზე დაანონსებული პერმანენტული აქციები გაგრძელდა. მათ უკვე გადასცეს სამინისტროს კონკრეტული მოთხოვნების სიაც:
- უმოკლეს ვადაში წარმოადგინოს საქართველოს განათლების, მეცნიერების, კულტურისა და სპორტის სამინისტრომ ინფორმაცია სსიპ ქალაქ თბილისის #10 საჯარო სკოლის შენობის რეაბილიტაციასთან დაკავშირებით ყველა დამადასტურებელი დოკუმენტაციის თანდართვით;
- დაუყონებლივ გაეცეს დასაბუთებული პასუხები განათლების სამინისტროში შეტანილ მშობელთა და მასწავლებელთა წერილებს;
- დირექტორის მოვალეობის შემსრულებლად დაინიშნოს ქ-ნი ბელა ბუხუტია.
შეგახსენებთ, რომ მოთხოვნების გაუთვალსიწინებლობის შემთხვევაში ისინი აანონსებენ პერმანენტულ აქციებს.
ავტორი
ნინი ხიჯაკაძე
