ევროკავშირთან ურთიერთობის მხრივ კონკრეტულ მოსაზრებებს გამოთქვამს ანალიტიკოსი ზაალ ანჯაფარიძე:
“ჩვენი ხელისუფლების მიერ ხშირად გამოყენებადი ნარატივი, რომ ევროპა საქართველოს „უსამართლოდ ეპყრობა,“ ჩემი დაკვირვებით კარგად მუშაობს ადგილობრივ აუდიტორიაზე, რადგანაც ფაქტები რომ იტყვიან ხელისგულზე დევს. თუმცა, ამ ნარატივით საგარეოპოლიტიკურ ველზე გასვლა, მეჩვენება რომ ასეთი ეფექტის მომტანი ვერ იქნება.
რატომ? იმიტომ, რომ კუდაბზეკილ ევრობიუროკრატიას საკუთარი თავი კეთილსინდისიერების ეტალონად მიაჩნია. ისინი სულაც არ თვლიან, რომ უსამართლოდ გვექცევიან. პირიქით, წარბშეუხრელად გვიმტკიცებენ, რომ სწორედ ასეთ მოპყრობას ვიმსახურებთ.
ამგვარი მოცემულობის პირობებში, რომელიც წლები გრძელდება, და ცვლილების ნიშნებიც არ იკვეთება, ყველაზე ფრთხილი პროგნოზი თუ რჩევა ის იქნებოდა, რომ ევროპასთან მიმართებაში ვიყოთ ფრთხილად, იმ კუთხით, რომ ყველაფრისთვის მზად ვიყოთ“, – წერს სოციალურ ქსელში ზაალ ანჯაფარიძე.
