“ყველაფერს გავაკეთებ იმისთვის, რომ ყველა დამნაშავემ აი ასე მოისმინოს უმაღლესი სასჯელი, ყველაფერს გავაკეთებ!” – განაცხადა მოკლული გიგა ავალიანის დედამ, ეკა კუპატაძემ სასამართლოს მიერ ორ ბრალდებულთან დაკავშირებით მიღებული გადაწყვეტილების გამოცხადების შემდეგ:
“მე ერთ რამეს ვიტყვი და მივმართავ, ვინც გარეთ არიან დარჩენილი, ბრალდებულები: თქვენ რომ ბიჭი მოკალით, მე ის ბიჭი წავიღე და პეტრე-პავლეს სასაფლაოზე მიწაში დავმარხე. თქვენ რა გგონიათ, მე ჩემი, ზრუნვაში გაზრდილი შვილი, ცივ მიწაში რომ ჩავფინე, სახლში თბილ ლოგინში მოვაშურე?! არა! მე სახლში თქვენთვის დავბრუნდი, მკვლელებო, თქვენთვის დავბრუნდი და ყველა ასე მოისმენს უმაღლეს სასჯელს, როგორც დღეს მოისმინა ორმა დამნაშავემ.
მოსამართლე დემეტრე ჯინჯოლიამ დღეს, დიახ, ახსენა, რომ გიგა ავალიანი იყო სრულიად უდანაშაულო. დემეტრე ჯინჯოლიამ უშიშრად, სამართლიანი სიტყვით, ღირსეულად დაიცვა ღირსეული ახალგაზრდის, გიგა ავალიანის ღირსება. მე მას, სხდომათა დარბაზში, მადლობა პირადად ვუთხარი!” – გაბაცხადა ეკა კუპატაძემ.
