“კატეგორიულად ვუკრძალავ ნებისმიერ ადამიანს და ადამიანთა ჯგუფს ჩემს თავისუფლებაზე და პატიმრობაზე რაიმე სახის დიალოგს” – ელენე ხოშტარია

პატიმრობაში მყოფი “კოალიცია ცვლილებებისთვის” ლიდერი, ელენე ხოშტარია პოზიციას აფიქსირებს მის პატიმრობასთან დაკავშირებით რაიმე მოლაპარაკების გამართვის თაობაზე:

“შეგნებულად თავს ვიკავებდი პარტიული “დოქტრინების” განხილვისგან, არც ახლა ვაპირებ. საზოგადოებამ და შედეგმა განსაჯოს.

ამასთანავე, რადგან ერთ-ერთი პარტიის “დოქტრინის” ნაწილია პოლიტპატიმრებზე მოლაპარაკებები “რუსულ ოცნებასთან”, როგორც პოლიტპატიმარი, ძალიან მკაფიოდ და კატეგორიულად ვუკრძალავ ნებისმიერ ადამიანს და ადამიანთა ჯგუფს ჩემს თავისუფლებაზე და პატიმრობაზე რაიმე სახის დიალოგს, მოლაპარაკებას და სიტყვის წარმოთქმასაც კი.

გასაკვირია, რომ ეს პოზიცია, ქვეყნის გარეთ უფრო კარგად გაიგეს, ვიდრე ზოგიერთმა მის შიგნით“, – აცხადებს ელენე ხოშტარია.
რუსთავის ქალთა ციხე
17/03/2026