უკრაინასა და მოლდოვასთან მიმართებით ევროკავშირის მაღალი რანგის წარმომადგენლების პოზიტიურ შეფასებებს, რომ ეს ქვეყნები წინ არიან წასულები ევროინტეგრაციის გზაზე, კონკრეტული შეფასება-განმარტებებით ეხმაურება პარლამენტის თავმჯდომარე, შალვა პაპუაშვილი:
“რა თქმა უნდა, წინ არიან ისინი ბრიუსელის ბიუროკრატიასთან ჩახუტებაში, ამაში ვერ ვჯობნით. ეხუტებიან იმიტომ, რომ ასრულებენ ყველა იმ დავალებას, რომელსაც არარჩეული ბიუროკრატები აძლევენ.
თვალი დაიხუჭა იმაზე, რომ არჩევნებამდე რამდენიმე თვით ადრე მოლდოვაში 2 პარტია მოიხსნა არჩევნებიდან და ამაზე ხმა არ ამოუღიათ რომელიმე სპიკერს, ელჩს თუ პოლიტიკოსს, ხოლო მედიას რაც შეეხება, უკრაინაში ტოტალური კონტროლია მედიზე და საომარი მდგომარეობიდან გამომდინარე სახელმწიმოს მიერ კონტროლირებადი და გაფილტრულია ყველა ინფორმაცია. მოლდოვაშიც მსგავსი მდგომარეობაა იმ მხრივ, რომ ის მედიები, რომლებიც კრიტიკულად არიან განწყობილები ხელისუფლების მიმართ, მათ აქვს პრობლემები.
კორუფციაზე აღარაფერს ვსაუბრობ. ნახეთ თქვენ, თუ რა ხდება უკრაინაში, მოლდოვაში – ისედაც ვიცით რაც ხდება.
ასე რომ, როდესაც ყველა ევროპელი ბიუროკრატი, რომელიც ამბობს, რომ საქართველო ჩამორჩება უკრაინას და მოლდოვას, უბრალოდ დასცინის ქართველ ხალხს“, – განაცხადა შალვა პაპუაშვილმა.
