მთავრობის მეთაურ ირაკლი კობახიძის დაინტერესებას პროდუქტებზე არსებულ მაღალი ფასებით და ამასთან დაკავშირებით მის კონკრეტულ აქტივობებს, მწვავე შეფასებებით და კონკრეტული მინიშნებებით, ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“საცოდაობაა კობახიძის ყურება, როგორ ეჭიდება ეკონომიკას. არადა საერთოდ გაგებაში არ არის ეკონომიკა და ბიზნესი რა არის. დარწმუნებული ვარ, მოგების მარჟა რა არის ისიც ახლახანს გაიგო. თუმცა, ეკონომიკა ყველაზე მეტად ტკივა, იმიტომ რომ ზუსტად იცის, იზოლირებულ რუსულ რეჟიმს სწორედ ეკონომიკა მოუღებს ბოლოს.
ორი საკითხი, რითაც საქართველოს მოქალაქეები დააბოლეს, როცა რუსეთისკენ ოფიციალურად წავიდნენ, იყო მშვიდობა და ეკონომიკა. ვითომ რუსეთთან ჩახუტება ეკონომიკისთვის გვჭირდებოდა და გავმდიდრდებოდით ყველა. რა თქმა უნდა, დავრჩით ისევ ღატაკები. ახლა შედეგებს იმკიან, და კიდევ უფრო მეტად მოიმკიან, იმიტომ რომ ასეთ რეჟიმებში ეკონომიკა კვდება, თუ რა თქმა უნდა, ნავთობზე და გაზზე არ ხარ შემჯდარი.
ხოდა, ჯერ სად ხართ. მალე მდინარაძე კალკულატორით და ავტომატით ივლის ბაზრებში და ბუტკებში“, – წერს ნინო ჯანგირაშვილი სოციალურ ქსელში.
