სუს-ის უფროსის, მამუკა მდინარაძისთვის ვადამდელი წოდებების მინიჭების თემას ეხმაურება და მის მიმართ პოზიტიურ შეფასებებს ახდენს “ქართული ოცნების” ერთ-ერთი ლიდერი, დიმიტრი (დიტო) სამხარაძე:
“კაცი სუსის შეფია და წოდება რატომ მიანიჭესო! ხომ არიან იდიოტები?
მამუკა მდინარაძემ ბევრი კრიმინალური საქმე გახსნა და იმდენი საფრთხე აარიდა ქვეყანას, ამ მოკლე ხანში, რაც დანიშნულია, რომ მაიორის კი არა, გენერლის წოდება ეკუთვნის! კორუფციასთან დაუნდობელი ბრძოლა, სახელმწიფო გადატრიალების აღკვეთა, ტერორისტული აქტების განეიტრალება!!! მარტო, უკრაინიდან შემოტანილი ასაფეთქებელი ნივთიერებით აღკვეთილი ტერაქტი რად ღირს, ვინ იცის საქართველოს რამდენი მოქალაქე შეეწირებოდა.
ის, რომ დღეს უსაფრთხოების სამსახური ორიენტირებულია ჩვენი სახელმწიფოსა და ხალხის დაცვაზე, ამას საქართველოს თითოეული სამართლიანი მოქალაქე აღიარებს და თავსაც დაცულად გრძნობს! ის, რომ ბიზნესი ხელშეუხებელია და არავის ეპატიება კორუფციული გარიგებებით სახელმწიფოს ავნოს, ესეც ყველამ იცის!
ამიტომ, ვულოცავ მამუკა მდინარაძეს კანონით მინიჭებულ წოდებას და მადლობას ვუხდი პრემიერ-მინისტრს ამ გადაწყვეტილების მიღებისთვის! მალე გენერლობა მოგველოცოს!
დღეს საქართველო უფრო დაცულია და დროა, მადლობა ვუთხრათ იმ ხალხს, ვინც ჩვენი ქვეყნის მცველები არიან🇬🇪✊🏻“, – წერს დიმიტრი სამხარაძე სოციალურ ქსელში.
