ველური ბუნების ეროვნული სააგენტოს საინტერესო ინფორმაცია საქართველოს ფაუნის, შავი ზღვის ბიომრავალფეროვნების წარმომადგენელზე, ზღვის კარჩხანაზე:
ეკოსისტემისთვის თითოეული სახეობა მნიშვნელოვანია – უკეთ გავიცნოთ შავი ზღვის ბიომრავალფეროვნება. შავი ზღვის ვერცხლისფერი სხივი – ზღვის კარჩხანა, იგივე ლასკირი (Diplodus annularis) სანაპიროსთან ახლოს, წყალმცენარეების რაყებში ბინადრობს.
თევზს გამორჩეული შეფერილობა ახასიათებს: ოქროსფრად მოელვარე ზურგი, ვერცხლისფერი გვერდები და დიდი შავი ლაქა კუდზე.
ფართოდ არის გავრცელებული ატლანტის ოკეანეში (კანარის კუნძულებამდე), ხმელთაშუა, შავ და აზოვის ზღვებში.
ტოფობა გრძელდება ივნისიდან სექტემბრამდე. იკვებება მოლუსკებით და წყლის სხვა მცირე ცოცხალი ორგანიზმებით.
მიუხედავად მცირე ზომისა, ლასკირი ზღვის საკვები ჯაჭვის მნიშვნელოვანი ნაწილი და ეკოსისტემის ბალანსის დამცველია.
