წალენჯიხის მერის ყოფილი მოადგილე, თამარ ბელქანია ემოციურად იხსენებს მუნივიპალიტეტის ყოფილი მერთან, ერთი წლის წინ მოულოდნელად გარდაცვლილ გია ხარჩილავასთან დაკავშირებულ ისტორიებს, ფაქტებს:
“პარასკევი იყო.
ახალი გეგმები განვიხილეთ და ექვს საათზე ერთმანეთს დავემშვიდობეთ. ის წალენჯიხაში დარჩა მე თბილისში წამოვედი.
მთელი გზა ვსაუბრობდით.
სახლში მოსულზეც გვიანობამდე ვსაუბრობდით.
დილის ხუთ საათზე მეგობარმა დამირეკე – გია გარდაიცვალაო.
… სამ საათში ჩავედი წალენჯიხაში
არ მჯეროდა, რომ კაცს, რომელიც მთასავით ძლიერი და შეუპოვარი იყო, რამე მოერია.
ბოლო ოთხი წელი ერთად, გვერდიგვერდ ვმუშაობდით, პრაქტიკულად შესვენების გარეშე.
მისი ხიბლი მის განათლებასა და სიახლის მიმღებლობაში იყო. იყო ყველგან სადაც მდინარე, ზღვა და ოკეანე სერავს ქვეყნებს და იცოდა, რომ შეუძლებელი არაფერია! რომ გამარჯვება #შეუგუებლობას მოაქვს და რომ ადამიანი სიღრმით ფასდება.
იყო პირველი #კოალიციური მუნიციპალიტეტის მერი, ხარობდა ყოველი ახალი წამოწყებით თუ უკვე შემდგარი საქმით.
არ ეზარებოდა სიცოცხლე – ძალიან უყვარდა პოეზია. საუბრობდა ხმამაღლა ემოციურად და მის ხმაში მუდამ იყო სიმტკიცე – გადამდები სიმტკიცე.
არ იყო მორჩილი და ალბათ ეს იყო მისი აქილევსის ქუსლი. მისი თვითმყოფადობა მასზე მეტი აღმოჩნდა.
გასული წლის 2 ნოემბერს გია ხარჩილავა გარდაიცვლა.
წელიწადი გავიდა თუმცა ის დარჩება ისტორიას, როგორც ერთადერთი გამარჯვებული მერი მთელს საქართველოში, ვისთვისაც მთავარი იყო მამული, ენა, სარწმუნოება.
კოალიცია, როგორც მონაპოვარი და პრეცედენტი შედგა“, – წერს თამარ ბელქანია ფეისბუქის პირად გვერდზე.
