მიხეილ ყაველაშვილის, პოზიციას პარტიების აკრძალვასთან დაკავშირებით, მისი ადმინისტრაციის საზოგადოებასთან ურთიერთობის სამსახურის მედიასთან ურთიერთობის განყოფილება ავრცელებს:
„ეს ძალა არ შეიძლება არსებობდეს პოლიტიკურ სივრცეში, ყველა თემაში ფიგურირებს „ნაციონალური მოძრაობა“ და მისგან წარმოქმნილი პარტიები, განშტოებები“, – ასე უპასუხა საქართველოს პრეზიდენტმა, მიხეილ ყაველაშვილმა გადაცემაში „ვახო ხუზმიაშვილის თავისუფალი სივრცე“ ჟურნალისტის შეკითხვას, საკონსტიტუციო სარჩელთან დაკავშირებით.
მისი თქმით, ის დანაშაულები, რაც „ნაციონალურმა მოძრაობამ“ ჩაიდინა იძლევა იმის შესაძლებლობას, რომ მსგავსი პოლიტიკური პარტია, პოლიტიკურ სივრცეში არ არსებობდეს.
„ის დანაშაულები, რაც მათ ჩაიდინეს და შემდეგ როგორც იქცეოდნენ, რა თქმა უნდა, ჩემის აზრით იძლევა იმის წინაპირობას და შესაძლებლობას, რომ მსგავსი პოლიტიკური პარტია არ არსებობდეს ჩვენს პოლიტიკურ სივრცეში და ნამდვილად ხელს უშლის პოლიტიკური მიმართულებით ჩვენი ქვეყნის განვითარებას. დარწმუნებული ვარ, აუცილებლად გამოჩნდებიან ჯანსაღი პოლიტიკური ძალები. რაც შეეხება ამ პარტიებს, მივანდოთ საკონსტიტუციო სასამართლოს რას გადაწყვეტს“, – განაცხადა მიხეილ ყაველაშვილმა.
