პოლიტიკის ექსპერტი, დავით ზურაბიშვილი მწვავე შეფასებებით ეხმაურება მთავრობის მეთაურ ირაკლი კობახიძის მიერ დაფიქსირებულ პოზიციას “ნულ თანაგრძნობასთან” დაკავშირებით:
“ნულოვან ტოლერანტობას ნუ ვადარებთ ნულ თანაგრძნობას.
“ნულოვანი ტოლერანტობა” საერთაშორისო დონეზე მიღებული ტერმინია, რომელსაც კონკრეტულ კონტექსტში შეიძლება ან დაეთანხმო ან არა.
ხოლო “ნული თანაგრძნობა” ტერმინი არ არის. ეს არის ადამიანის მოძულე სოციოპათის ამონათქვამი“, – განაცხადა დავით ზურაბიშვილმა.
ინფორმაციისთვის: მთავრობის მეთაურმა პოლიტიკური შეფასება მისცა საპროტესტო აქციებს, რა დროსაც ხდება ქუჩის გადაკეტვა:
“50-100 კაცი, რომელიც კეტავს ქუჩას, ძალადობს 4 მილიონ ადამიანზე, რომელთაც უნდათ მშვიდობა და სიწყნარე, ჩვენი მეთოდური მიდგომებით ყველა დაელოდოს, როგორ გაგრძელდება პროცესები.
ნული თანაგრძნობა – ამას იმსახურებენ ეს ადამიანები“, – განაცხადა ირაკლი კობახიძემ.
