ფილოლოგი, პოლიტიკოსი ვასილ ბარნოვი 4 ოქტომბრის აქციის დაპატიმრებული ორგანიზატორების ემოციურ, პოზიტიურ შეფასებებს ახდენს და მომხდართან დაკავშირებით კონკრეტულ განმარტებებს აკეთებს:
“აი, რა არის დიქტატურა და როგორი ადამიანები აღმოჩნდნენ დღეს ციხეში:
პაატა ბურჭულაძეზე რა ვთქვა? წარმოიდგინეთ, ლუჩანო პავაროტი ან ხოსე კარერასი აღმოჩენილიყო ციხეში, ეგ ამბავია. რა ტიპის ქვეყანაზე მიუთითებს ეს, ახსნა არ უნდა.
მურთაზზე ადრეც მითქვამს – უკარგესი, უპატიოსნესი, უწესიერესი, სახელმწიფოსათვის მიძღვნილი, მოკრძალებული, პროფესიონალი, ძალიან საყვარელი ადამიანია. ყოველთვის ბოლომდე სანდო, საქმეში თუ ურთიერთობაში!
ირაკლი ჩემი მოადგილე იყო ადმინისტრაციაში. ნათელი, უწესიერესი კაცი. ასეთი ენერგიული და ხარისხიანი მენეჯერი ჩემს ცხოვრებაში ჯერ არ შემხვედრია.
პაატა მანჯგალაძეს იმ დროიდან ვიცნობ, ახალგაზრდებისთვის ბანაკებს რომ აწყობდა. პოლიტიკაზე შეყვარებული ახალგაზრდა იყო თავად. ძალიან მშრომელი და ერთ-ერთი უწესიერესი ადამიანია ნამდვილად.
ლაშა ბერიძეს ასევე ძალიან კარგად ვიცნობ იმ დროიდან, თავდაცვაში რომ ვმუშაობდი. ენერგიულ, გონიერ ოფიცრად ვიცნობდი ყოველთვის.
თითოეული ეს ადამიანი მხოლოდ იმისთვის იყო მუდმივად მოწოდებული, რომ ემსახურათ ქვეყნისთვის და ეკეთებინათ სასიკეთო საქმეები! დღემდე ასე მოდიან, მაგრამ ტრაგედიაა, რომ იმის ნაცვლად, საქმის კეთების სივრცე ქონდეთ, გლუვტვინიან ფულის ტომრებთან ბრძოლა და ციხეში ჯდომა უწევთ! სამაგიეროდ, ოლიგარქის ტიკინები იკავებენ ყველა სივრცეს და თითსაც გვიქვენ მკაცრი სახეებით…
წარმოუდგენელია ასე გაგრძელება. უბრალოდ შეუძლებელია…“, – წერს ვასილ ვარნოვი ფეისბუქის პირად გვერდზე.
