საყურადღებო მინიშნებებით, ემოციური კომენტარი გააკეთა მედიასთან ოპოზიციონერმა ლიდერმა, მურთაზ ზოდელავამ ჟურნალისტებთან, უშუალოდ დაკავების წინ:
“შეიძლება ნაკლებად კრეატიულები ვიყავით, შეიძლება ნაკლებად ორგანიზებულები, მაგრამ პირდაპირ გეუბნებით, რომ დიქტატურაში პროცესების დონორს ვერ იპოვით და სერიოზულ ორგანიზებას ვერ მოახდებთ იმიტომ, რომ დონორი თქვენთან თუ მოვიდა, იმას ნიშნავს, რომ თქვენ უნდა გაყიდოთ სამშობლო ან პრინციპები, სხვანაირად არავინ დადებს რესურსს, რომ უკეთ ორგანიზდეთ. ეს არის “შპარგალკა”, რჩევები იმათთვის, ვინც გააგრძელებს ბრძოლას.
ეს ბრძოლა აუცილებლად უნდა გაგრძელდეს!
არ დაელაპარაკოთ რესურსიან ხალხს, მაგაში დრო არ დახარჯოთ, ეძებეთ თქვენნაირი ხალხი, თქვენნაირი გულანთებულები, მეტი სარგებელი და თანადგომა იქნება, მეტი საიდუმლოს შენახვაც მოხდება – ეს ძალიან მნიშვნელოვანია! ენდეთ მათ, ვის მიმართაც შინაგანი გრძნობა გაქვთ… არ დანებდეთ, იბრძოლეთ!
ჩვენ ვიყავით ალალი გულით! მე პირადად ჩემს პასუხისმგებლობას არავის გადავაკისრებ, ჩემი პირადი ჯანყი იყო, არ ვნანობ“, – განაცხადა მურთაზ ზოდელავამ.
