“ქართული ოცნების” ლიდერების მხრიდან პრეზიდენტის რანგში მიხეილ ყაველაშვილის ნაცვლად მიხეილ სააკაშვილის დასახელებას, კონკრეტული განმარტებებით და მინიშნებებით ეხმაურება ჟურნალისტი ვახო სანაია:
“ნუ იტვირთავთ გონებას რაღაც თეორიებით, თქვენი ჭირიმე რა. როგორც კი პრეზიდენტს ამბობ და მას შემდეგ მოდის სახელი მიხეილი, ბუნებრივად ეგრევე სააკაშვილი მოჰყვება და ამბობ კიდეც. წლების განმავლობაში გონებაშია გამჯდარი. პრეზიდენტი და მიხეილი ერთად საქართველოში ასოცირდება სააკაშვილთან. მარტივადაა საქმე. გარდა ამისა, დააკვირდით პაპუაშვილის სახეს, კობახიძეს კი მაგ მომენტში ზუსტად ისეთი სიფათი გაუხდა, მელიამ რომ შეაშინა ადრე.
რამდენიმე დღის წინ მეც სააკაშვილი ვთქვი ყაველაშვილის მაგივრად. ანუ გინდათ თქვათ, რომ მეც სპეციალურად გავაკეთე ?! 🤣
არც ამათ მიაჩნიათ ყაველაშვილი პრეზიდენტად და ამაში ნამდვილად მართალი არიან.
ზოგის მოტივაცია გასაგებია, როცა ,,განგებ ნათქვამის” თეორიას ავითარებს, მაგრამ კაი ახლა მართლა 🤣
P.S. ყველაზე მეტად ეს ამბავი იმ უბადრუკ ბოჟაძეს უხარია“, – წერს ვახო სანაია ფეისბუქის პირად გვერდზე.
