მთავრობის მეთაურის, ირაკლი კობახიძის მიერ გაკეთებულ განცხადებაში აღნიშნულ ფაქტს “ჩვენთვის ბიძინა ივანიშვილის რჩევები, კორუფციასთან ბრძოლის მიმართულებით, არის უკიდურესად ღირებული“, კონკრეტული პოზიცია-შეფასებებით ეხმაურება პოლიტიკის მეცნიერების დოქტორი, მოძრაობა “ერთიანი ნეიტრალური საქართველოს” დამფუძნებელი წევრი, ანალიტიკოსი ლევან ნიკოლეიშვილი:
“მარტო კორუფციასთან ბრძოლის მიმართულებით კი არა, ნებისმიერ სხვა საკითხზეც რომ მისცეს რჩევები ბიძინა ივანიშვილმა თავის გუნდს, რა გასაკვირია.
ჯერ ერთი, ის „ქართული ოცნების“ საპატიო თავმჯდომარე გახლავთ, მეორეც, მგონი ნამდვილად აქვს იმდენი დამსახურება ამ ქვეყნის წინაშე, რომ მისი რჩევები ღირებული და გასათვალისწინებელი იყოს.
თავის დროზე ოპოზიციასაც ურჩია, სამშობლო ჰყვარებოდათ და ქვეყნისთვის სასიკეთოდ მოქცეულიყვნენ, მაგრამ რად გინდა – მათ მაინც ნაცობა, ქვეყნის ღალატი და უცხოელი პატრონები აირჩიეს. ხოო, და არიან კიდეც უსამშობლოები და ურეიტინგოები“, – წერს ლევან ნიკოლეიშვილი ფეისბუქის პირად გვერდზე.
