როგორც ცნობილია, 27 აპრილიდან, ქვეყანაში საგანგებო მდგომარეობის გამო დაწესებული რიგი შეზღუდვების მოხსნის პირველი ეტაპი იწყება, შესაბამისად დედაქალაქის მაცხოვრებლებს აინტერესებთ, ღუ როდის განახლდება საზოგადოებრივი ტრანსპორტის (მეტრო, ავტობუსები…) ფუნქციონირება. აღნიშნულთან დაკავშირებით ისაუბრა ჟურნალისტებთან თბილისის მერმა კახა კალაძემ:
“უნდა ვიყოთ ძალიან ფრთხილები. ჩვენ ბრძოლა არ დაგვისრულებია, ბრძოლა გრძელდება, შესაბამისად, კიდევ ერთხელ, ყველას მინდა ვთხოვო, მოვუწოდო, რომ მაქსიმალურად დიდი სიფრთხილე გამოვიჩინოთ შექმნილ სიტუაციაში.
ჩვენ ყოველდღიურ რეჟიმში ვაკვირდებით არსებულ მდგომარეობას და როგორც კი იქნება დარგის სპეციალისტების მხრიდან რჩევა და მოწოდება, რომ შესაძლებელია საზოგადოებრივი ტრანსპორტის გაშვება, მაშინვე იქნება მიღებული ეს გადაწყვეტილება,” – განაცხადა კახა კალაძემ.
