“მზია ციხეშია, მაგრამ არავინ ისე არ დასჯილა, როგორც მისი ბრალმდებელი და ნუ დაისჯის თავს მოსამართლეც” – არჩილ გამზარდია

პატიმრობაში მყოფ მედიამენეჯერ, მზია ამაღლობელთან დაკავშირებით ემოციურ შეფასება-განმარტებებს აკეთებს ანალიტიკოსი, ჟურნალისტი, არჩილ გამზარდია:

“მზია ამაღლობელის პატიმრობა ხომ აქამდეც უსამართლობა და საძალაუფლებო შეცდომა იყო, მისთვის პატიმრობის მისჯა უკიდურესი უსამართლობა იქნება და სასჯელი გახდება პირველ რიგში თავად ხელისუფლებისათვის.

მზია ციხეშია, მაგრამ არავინ ისე არ დასჯილა, როგორც მისი ბრალმდებელი და ნუ დაისჯის თავს მოსამართლეც, თავის თავი მაინც გადაირჩინოს მზია ამაღლობელისთვის გამამართლებელი განაჩენის გამოტანით. ეს უკანასკნელი ერთადერთი ხერხია, რითიც ძალაუფლებაც – ძალოვანი სტრუქტურები და სასამართლო მცირედად მაინც ჩამოიწმენდენ საკუთარ სირცხვილს.

თავისუფლება მზია ამაღლობელს!” – წერს არჩილ გამზარდია ფეისბუქის პირად გვერდზე.