ამ თემაში შევკრიბე, სხვადასხვა დროს გადაღებული, მთიანი საქართველოს სილამაზის ამსახველი ფოტო მასალები, რითაც შევეცადე მაქსიმალურად წარმომეჩინა ჩვენი სამშობლოს ბუნების ენითაღუწერელი მშვენიერება და მრავალფეროვნება…
(სულ 25 ფოტო)
1-2. დედამიწიდან და ზეცამდე – რომანტიზმი მთებით და ღრუბლებით…
3. ამ ფოტოზე აი ასეთი მწვანე მთაა აღბეჭდილი – ნისლის “ქუდითა” და თოვლის “ხელებით”…
4. შესაძლოა კარგად დაკვირვებითაც ვერ მიხვდეთ თუ რა არის ეს სხვადასხვა ფერის წერტილები ფოტოს ცენტრში, ამიტომ პირდაპირ გეტყვით, რომ იქ, ქვემოთ, ლაღად ბალახობენ მთის ძროხები…
5. მართლაც რომ, ლამაზი მწვანე “ქუდი” მოურგია თავს ამ ბორცვს
6. არც თუ იშვიათია მთებში ასეთი თოვლიანი “მდინარეები”
7. მყინვარისაკენ, ღრუბლების გავლით…
8. ვხდებით მთის ასეთ “ხავსიან” პეიზაჟსაც
9. შემოდგომის ეს ეტიუდი კი მართლაც ნახატივითაა…
10. დიახ, მართლაც რომ, უდიდესი სიძლიერე ჩანს მთებში, თუმცაღა, ნახეთ რა ძალა აქვს მთის მდინარესაც, რომელმაც ორად გაყო ეგ უძლეველი მთა…
11. მთებსაც აქვთ თავისი “ჭრილობები”…
12-13. აი ასე “ხატავს” ბუნება ზღაპრულ პეიზაჟებს
14. საკმაო ხანს ვაკვირდებოდი ამ პეიზაჟს და ძალაუნებურად მახსენდებოდა სერიალი “Lost”… ნისლში:)
15. დუღს ცხოვრება მთის სოფლებში
16. ეს “ტყის კუნძული” კი რაღაცნაირად მაგონებს რუკაზე გამოსახულ ჩრდილოეთ ამერიკას
17. ჯვრის ურელტეხილი – 2359 მ. მართლაც ენითაღუწერელი სილამაზე აქ…
18. თვალს ვერ მოწყვეტს ადამიანი ყაზბეგის მთის საოცარი სილამაზის პეიზაჟს
19. ეს ადგილი, საქართველო-რუსეთის საზღვართან, დარიალის ხეობაში, უფრო და უფრო პოპულარული გახდება ტურისტებისათვის და არა მარტო მათთვის. 2011 წელს აქ დასრულდა გრანდიოზული სამონასტრო კომპლექსისი აშენება.
20. აი ასეთი სილაღეა ხევის სოფლებში
21. აქაც, ძალაუნებურად, ფილმი გამახსენდა, ამჯერად უკვე “მთამსვლელი” (Cliffhanger) სილვესტერ სტალონეს მონაწილეობით…
22. საკმაოდ საინტერესო და დაუჯერებელი “კომბინაცია” – მწვანე მთა, მთაზე გერგეთის ეკლესია, ეკლესიის თავზე კი თითქოს “ჩამოკიდებულია” ღრუბლებში “გახვეული” მფრინავი თეფში…
23. იდუმალი გარემო – წყალი ჯადოსნური, მთა კი რომანტიკული… ან პირიქით
24. ეს ადგილი კი გადავიღე შატილისკენ მიმავალი გზიდან და, ვფიქრობ, არის რაღაც მსგავსება წინა ფოტოსურათში აღბეჭდილ ადგილთან, რომელიც გადავიღე ყაზბეგისკენ მიმავალი გზიდან
25. აქ კი, წინა ორ ფოტოზე გამოსახული პეიზაჟები, ერთ რაკურსშია გაერთიანებული…
დამეთანხმეთ, მართლაც ბუნების საოცრება, ყოველივე ეს და ემოციების პიკში აწევას თუ მოისურვებთ, ნახეთ ვიდეორეპორტაჟიც – საქართველოს ბუნება: ამაყი მთების სიძლიერე და მშვენიერება
დარწმუნებული ვარ, ამ ენით აღუწერელი სილამაზით, თქვენც ისევე აღფრთოვანდით და სიამაყის გრძნობით აღივსეთ, როგორც მე
