მთავრობის მიერ დაანონსებულ ანტიკრიზისული გეგმის წარდგენის საკითხს ეხმიანება პარტია „ახალი საქართველოს“ თავმჯდომარე გიორგი ვაშაძე და აცხადებს, რომ ხელისუფლებას არანაირი ანტიკრიზისული გეგმა არ გააჩნია და პოლიტიკური მიზნებისათვის რასაც საჭიროდ ჩათვლიან იმ გადაწყვეტილებებს იღებენ. ოპოზიციონერი ლიდერის განმარტებით საქართველო კრიზისული სიტუაციების მართვის კუთხით ყველაზე ცუდი მაგალითია მსოფლიოში:
„არანაირი კრიზისული სიტუაციის მართვასთან საქმე არ გვაქვს. საქმე უცოდინარ-არაპროფესიონალებთან გვაქვს, რომლებსაც არანაირი გეგმა არ გააჩნიათ. უბრალოდ პოლიტიკური მიზნებისათვის სიტუაციის მიხედვით, რასაც საჭიროდ ჩათვლიან იმ გადაწყვეტილებებს იღებენ.
ჩვენ დღეს ვიმყოფებით მდგომარეობაში, როცა პროცესი მთავრობას და გახარიას მართავს და არა პროცესს მართავენ ისინი. ეს სწორედ იმაში გამოიკვეთება, რომ არ გვაქვს დიაგნოსტიკა/ტესტირების შესაძლებლობა.
კეტავენ უფრო და უფრო მეტად, შეზღუდვები უფრო მეტია, ხალხი შიმშილის ზღვარზეა. ეს გამოსავალი არ არის და ეს არ არის გზა, რომლითაც უნდა მიდიოდეს კრიზისული სიტუაციების დროს რომელიმე სახელმწიფო.
საქართველო დღეს არის კრიზისული სიტუაციების ყველაზე ცუდი მაგალითი მსოფლიო თვალსაზრისით, იმიტომ რომ ადამიანების შიმშილი ქვეყანაში ფაქტობრივად გარდაუვალია,“ – განაცხადა გიორგი ვაშაძემ.
ავტორი
თამთა ასლანიშვილი
