“დოკუმენტი თავისთავად ძალიან საინტერესოა, ძალიან ჯანსაღი აზრები იკვეთება მასში, და ვფიქრობ, რომ ამ დოკუმენტის და ამ საქმის შესრულების გარეშე შეუძლებელია ჩვენი გამარჯვება” – მანანა ჯებაშვილი

პარტია “სტრატეგია აღმასენებლის ოფისში” გაიმართა შეხვედრა-მსჯელობა დოკუმენტზე “ვაშაძის გეგმა – ძალა ერთობაშია”. საქართველის პარლამენტართა საზოგადოების თავმჯდომარე, მანანა ჯებაშვილი ჟურნალისტებთან კომენტარში შეფასებები გააკეთა და თავისი პოზიცია დააფიქსირა გიორგი ვაშაძის მიერ მომზადებული 8-პუნქტიანი გეგმის შესახებ:

,,ეს არის პროდასავლური ძალების კონსოლიდაციის, კოორდინაციის და მობილიზაციის შეთანხმების დოკუმენტი. დოკუმენტი თავისთავად ძალიან საინტერესოა — ძალიან ჯანსაღი აზრები იკვეთება მასში, ამიტომ ვფიქრობ, რომ ამ დოკუმენტის და ამ საქმის შესრულების გარეშე შეუძლებელია ჩვენი გამარჯვება.

რაც არ უნდა დასავლეთი მხარს გვიჭერდეს და გვეხმარებოდეს მიმდინარე პროცესებში, ამის გარეშე ჩვენი გამარჯვება ვერ მოხდება. ამდენად, ვფიქრობ, რომ ძალიან ბევრი დრო დავხარჯეთ, თვეები — მრავალი თვე — გავიდა იმ პროცესში, რომ ველოდებოდით: აი, შეთანხმდებიან რაღაცაზე შევთანხმდებით… მაგრამ ასე არ ხდება.

ახლა დადგა ის დრო, როდესაც ვინც ვთანხმდებით — ვთანხმდენით… ძალიან ბევრია, მთელი საქართველოა, ვინც თანხმდება და ამიტომ, ვიღაცეების ლოდინი, მე მგონი, უკვე აღარ შეიძლება. ეს უკვე ძალიან დაგვიანებულია და ძალიან აზარალებს პროცესს.

აქ შეკრებილები ვართ ძირითადად ეროვნული მოძრაობის წარმომადგენლები, უზენაესი საბჭოს წევრები. დღეს არის განხილვა ამ დოკუმენტის იმ ადამიანებთან ერთად, რომლებმაც ეს ყველაფერი თავის დროზე უკვე გამოიარეს უფრო მწვავედ – სისხლიანი გადატრიალებით, ტანკებით და ტყვიებით.

ამიტომ ზუსტად მათ კარგად იციან, რას ნიშნავს ქვეყანაში დესტაბილიზაცია, არეულობა, მონობა და ქვეყნის კოლონიურ მდგომარეობაში ყოფნა.

ჩვენ განვიხილავთ ამ დოკუმენტს, სავარაუდოდ ყველა გამოთქვამს თავის მოსაზრებებს, შენიშვნებს. თუმცა, ზოგადად, დოკუმენტზე შეთანხმებული ვართ“, – განაცხადა მანანა ჯებაშვილმა.

ავტორი
მარიამ ხაჩირაშვილი