იმერეთში სახელმწიფო რწმუნებულის ზვიად შალამბერიძის განცხადებით, სააღდგომო პერიოდში ქუთაისში 13 და ზესტაფონში 3 სასაფლაო დაიკეტება. მისივე თქმით, ხელისუფლებამ აღნიშნული გადაწყვეტილებაკორონავირუსის პრევენციის მიზნით მიიღო, რადგანაც აღდგომის დღესასწაულებზე ბევრი ხალხი გადის სასაფლაოებზე და ინფექციის შიდა გავრცელების რისკი მაღალია:
„აღდგომის პერიოდში ქუთაისის და ზესტაფონის სასაფლაოები 3 დღის განმავლობაში დაკეტილი იქნება. ჯერ გადაწყვეტილი არ გვაქვს, კონკრეტულად რომელ სამ დღეს დავკეტავთ, ეს იქნება – კვირა, ორშაბათი, სამშაბათი თუ შაბათი, კვირა და ორშაბათი, ამ დღეებში დავაზუსტებთ, და ზუსტად ეცნობება მოსახლეობას, როდიდან დაწესდება ეს შეზღუდვები,“ – განაცხადა ზვიად შალამბერიძემ.
შეგახსენებთ, მთავრობის გადაწყვეტილებით, 15 აპრილის 21:00 საათიდან, 10 დღით, ოთხ დიდ ქალაქში, – თბილისი, რუსთავი, ბათუმი და ქუთაისი, შესვლა და გასვლა აიკრძალა.
ლიკა დევდარიანი
სააგენტო “პარალელის”
რეგიონალური კორესპონდენტი
