პარლამენტის საპროცედურო საკითხთა და წესების კომიტეტის თავმჯდომარე, დავით მათიკაშვილი პოლიტიკურ შეფასებებს აკეთებს დროებით საგამოძიებო კომისიაზე გამოუცხადებლობის გამო ოპოზიციონერი პოლიტიკოსების მიმართ დაწყებულ გამოძიებასა და სასამართლო პროცესებთან დაკავშირებით:
“რადიკალური ოპოზიცია ცდილობს მანიპულაციებით შექმნას ისეთი მოცემულობა, ტყუილი, რა თქმა უნდა, რომ თითქოს ჩვენს ქვეყანაში ხდება პოლიტიკური ნიშნით ვინმეს დევნა.
კომისიის დავალებათა შეუსრულებლობა, სასამართლოს გადაწყვეტილების შეუსრულებლობა, იწვევს შესაბამის სანქციას. ეს არის ძალიან კარგად ცნობილი თითოეული მათგანისთვის.
ასე, რომ, ისევე როგორც, ნებისმიერ სამართლებრივ სახელმწიფოში, საქართველოშიც მოხდება ძალიან ადეკვატური მიდგომა ნებისმიერი პირის მიმართ, რომელიც გადაწყვეტს და უარს იტყვის საკონსტიტუციო ორგანოს მიერ მისთვის მიცემული დავალების შესრულებაზე ან/და სასამართლოს გადაწყვეტილების შეუსრულებლობაზე“, – აცხადებს დავით მათიკაშვილი.
