ქვეყანაში მიმდინარე პროცესებზე პოლიტიკური ლიდერების გავლენაზე საუბრობს და კონკრეტული მაგალითები მოჰყავს ისტორიიდან ანალიტიკოს ზაალ ანჯაფარიძეს:
“პოლიტიკური კალენდრის რამდენი ფურცელი გადავაბრუნეთ უკვე ეს ბოლო წლებია და რატომღაც ჩვენს პოლიტიკურ კლასსა და საზოგადოებაში ვერ მოხდა პოლიტიკაში პიროვნული ფაქტორის მნიშვნელობის გასიგრძეგანება. პოლიტიკურ სარკეში კარგად ჩახედვა ბევრს მათდა სამწუხაროდ დისკომფორტს უქმნის.
ჩვენი ქვეყნის პოლიტიკური ცხოვრება კი მკაფიო მაგალითების საფუძველზე გვეუბნება, რომ ხელისუფლების მშვიდობიანად ცვლილების ერთ-ერთი მთავარი განმსაზღვრელი ფაქტორია თუ რა ღირსებების მქონე პიროვნება (ან პიროვნებები) უდგას სათავეში იმ პოლიტიკურ ძალას, ვისაც ხელისუფლების ცვლილება სურს. 1990, 2003, 2012 წლები ჩვენს უახლეს ისტორიაში იყო ამის მკაფიო დემონსტრირება.
ამჟამინდელმა ოპოზიციამ ეს ვერა და ვერ შეიგნო, ან ჯიუტად არ სურს შეგნება“, – წერს ფეისბუქის პირად გვერდზე ზაალ ანჯაფარიძე.
