“ეს აღარ არის მხოლოდ პოლიტიკა და ვინ მოგწონს ან ვინ – არა, ეს არის ბრძოლა ღირსებისთვის, თავისუფლებისთვის” – პაატა მანჯგალაძე

პოლიტიკურ შეფასებებს აკეთებს ქვეყანაში შექმნილ რეალობასთან დაკავშირებით და მმართველი გუნდის მიერ, კონკრეტული თემების წინა პლანზე წამოწევით, მნიშვნელოვანი საკითხებიდან ყურადღების გადატანის მცდელობაზე მიანიშნებს:

“დილიდან ქოცური პროპაგანდა გვტენის აბსურდს თითქოს ილონ მასკი გვართმევს დემოკრატიას და მსოფლიო რობოტებმა უნდა მართონ… ილუზიები, კონსპირაციები, ყველაფერზე საუბრობენ, სიმართლის გარდა.

ესაა პროპაგანდის მიზანი, გამოიგონოს საფრთხე, რომ ხალხმა ნამდვილი საფრთხე და მტერი ვეღარ დაინახოს.

სინამდვილეში ამით გვეუბნებიან ნუ ფიქრობ უკეთეს მომავალზე, დაივიწყე ღირსება, სხვაგან უარესია, შეეგუე ივანიშვილს და მის რეჟიმს.

ეს ხდება იმისთვის რომ ხალხმა აღარ იფიქროს იმ რეალობაზე, რაც დღეს საქართველოშია – მოქალაქეებს იტაცებენ და აშანტაჟებენ; 200 დღეზე მეტია ხალხი ქუჩაშია და თავისუფლებისთვის იბრძვის; ბლოკავენ ქვეყნის ევროპულ არჩევანს და გვაბრუნებენ რუსულ ჭაობში; იჭერენ, სცემენ, აშინებენ – ეს გახდა ყოველდღიურობა; ხალხი ღარიბდება კლანი კი მილიონებს აგროვებს; სახელმწიფო მიტაცებულია და ემსახურება მხოლოდ ერთ ადამიანს.

ამიტომაც გვტენიან ილონ მასკს, რობოტებს, გლობალურ ძალებს რომ ჩაგაგდონ უაზრო კამათში, დაგავიწყონ მთავარი, არ დაგიტოვონ დრო ფიქრისთვის, წინააღმდეგობისთვის, კითხვებისთვის: რატომ ვართ ასეთ მძიმე დღეში?ვინ აგებს პასუხს სიღარიბეზე, ძალადობაზე ? ვინ აგებს პასუხს გაძარცვულ ქვეყანაზე, მიტოვებულ სოფლებზე და გადახვეწილ ქართველებზე? ბავშვების შიმშილზე, განათლების ნგრევაზე, მომავლის წართმევაზე?

ეს აღარ არის მხოლოდ პოლიტიკა და ვინ მოგწონს ან ვინ – არა, ეს არის ბრძოლა ღირსებისთვის, თავისუფლებისთვის.

ეს არის ბრძოლა ბოლომდე, რადგან უკან გზა აღარ არსებობს”, – აცხადებს პაატა მანჯგალაძე.

ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს