“რატომ მოქმედებენ ევროპარლამენტის დეპუტატები ძალიან ხშირად არასერიოზულად, უპასუხისმგებლოდ და სასაცილოდ?” – ლევან ნიკოლეიშვილი

პოლიტიკის მეცნიერების დოქტორი, მოძრაობა “ერთიანი ნეიტრალური საქართველოს” დამფუძნებელი წევრი, ანალიტიკოსი ლევან ნიკოლეიშვილი ევროპარლამენტარების კონკრეტულ დაინტერესებაზე საუბრობს და აცხადებს, რომ “საპენსიოდ ცოტა ფულის დაგროვება ევროპელსაც სჭირდება“:

“რატომ მოქმედებენ ევროპარლამენტის დეპუტატები ძალიან ხშირად არასერიოზულად, უპასუხისმგებლოდ და სასაცილოდ?

პასუხი მარტივია, ვინც ევროსტრუქტურებში ელემენტარულად ერკვევა, იცის რომ ევროპარლამენტის ყველა გადაწყვეტილება, გარდა ევროკომისიის ხელმძღვანელობის დანიშვნისა, მხოლოდ სარეკომენდაციოა და სერიოზულად არსად მსოფლიოში არ აღიქმება. ეს რა თქმა უნდა თავად ევროპარლამენტარებსაც კარგად ესმით, ამიტომ მათი უმეტესობა მოქმედებს რაციონალურად – თქვენგან ფული, ჩვენგან ნებისმიერი სისულელე.

ამ სისულელეზე პასუხისმგებლობა მაინც არაფერია, გადაწყვეტილებების სარეკომენდაციო სტატუსიდან გამომდინარე და საპენსიოდ ცოტა ფულის დაგროვება ევროპელსაც სჭირდება😁“, – წერს ფეისბუქის პირად გვერდზე ლევან ნიკოლეიშვილი.