“მათი უმრავლესობა არის არა უბრალო, არამედ გაფორმებული აგენტი უცხოური გავლენების” – ზაალ ანჯაფარიძე ოპოზიციაზე

ოპოზიციის წარმომადგენელთა საჯარო განცხადებების შინაარსზე დაყრდნობით, მძიმე ბრალდებებს აკეთებს მათ მიმართ, ანალიტიკოსი ზაალ ანჯაფარიძე:

“ანალიტიკისთვის, გარკვეულ დროს ვუთმობ ოპოზიციის წარმომადგენელთა საჯარო განცხადებების შინაარსის და პათოსის გაანალიზებას, და სულ უფრო მიმყარდება შთაბეჭდილება, რომ მათი უმრავლესობა არის არა უბრალო, არამედ გაფორმებული აგენტი უცხოური გავლენების. დასავლეთის წინაშე მათი სერვილიზმის დონე საოცარიც არის და ამაზრზენიც.

დარწმუნებული ვარ, რაც არ უნდა დაავალონ მათმა გარე პატრონებმა/კურატორებმა, ყველაფერს უყოყმანოდ გააკეთებენ, და მერე ამას ევროატლანტიკური ინტეგრაციის “დიადი” მიზნებით გაამართლებენ“, – წერს ფეისბუქის პირად გვერდზე ზაალ ანჯაფარიძე.