ბიძინა ივანიშვილის მიერ კორონავირუსის წინააღმდეგ ბრძოლის ფონდში გადარიცხული 100 მილიონის თემას ეხმიანება “ლეიბორისტული პარტიის” თავმჯდომარე და მას საუკუნის მეორე აფიორას უწოდებს:
“ზარზეიმით გამოცხადებული ივანიშვილის 30-მილიონ დოლარიანი ქველმოქმედება წარმოადგენს მის შემოქმედებაში საუკუნის მეორე აფიორას უფასო ფულთან ერთად.
დამერწმუნეთ, არც ერთი თეთრი ჩვეულებრივ ხალხთან არ მივა. ეს არის იმ 20 მილიარდი მოპარულიდან პატარა მოციცქნული თანხა, რომელიც ბიძინა ივანიშვილმა მარჯვენა ჯიბიდან გადაიტანა საკუთარ მარცხენა ჯიბეში.
თუ ეს ასე არ არის, მაშინ აიღონ და ყოველ ოჯახს დაურიგონ 1000-1000 ლარი, როგორც ეს მიღებულია ანტიეპიდემიური საერთაშორისი მსოფლიო პრაქტიკით, ყველა ქვეყანაში,“ – განაცხადა შალვა ნათელაშვილმა.
