მორწმუნე ქრისტიანებს, მრევლს მიმართავს და სახლში ლოცვისაკენ მოუწოდებს დაავადებათა კონტროლისა და საზოგადოებრივი ჯანდაცვის ცენტრის დირექტორის მოადგილე პაატა იმნაძე:
“იცით რომ, მე ყოველთვის ვცდილობ ნებისმიერი ჩვენი აკრძალვა, რჩევა იყოს საფრთხის ადეკვატური. ამავე დროს მინდა ყველამ კარგად გავითავისოთ, რომ 2 კვირის წინ რა რჩევებსაც ვიძლეოდით, იმის დაცვა-არდაცვით შედეგი ჩნდება დღეს, რა რჩევებსაც დღეს ვიძლევით, რა აკრძალვებსაც ვამბობთ, ამის ეფექტი გამოჩნდება 2 კვირის შემდეგ. ანუ, ჩვენი აკრძალვებით თუ რჩევებით ყოველთვის დროს უნდა ვუსწრებდეთ.
აქედან გამომდინარე მე მინდა მივმართო მორწმუნე ქრისტიანებს, მე მინდა მივმართო მრევლს, დავიცვათ ჩვენი დედაეკლესია, დავიცვათ მღვდელმთავრები, ეკლესიაში არმისვლით, სახლში ლოცვით. ჩვენი ეკლესია დავიცვათ არა მარტო ამ ვირუსისგან, არამედ სხვა ვირუსებისგანაც, ნუ მიხვალთ ეკლესიაში სალოცავად, ილოცეთ სახლში.
ეკლესიის კარი ვერ დაიკეტება, იქ იქნებიან მამაოები, რომლებიც ილოცებენ ჩვენთვის, ჩვენ კი ერთმანეთისათვის და ჩვენი ქვეყნისათვის სახლში ვილოცოთ!” – განაცხადა პაატა იმნაძემ.
