“სტრატეგია აღმაშენებლის” ლიდერი, გიორგი ვაშაძე საგამოძიებო კომისიაში მის დაბარებას მწვავე შეფასებებით ეხმაურება და სთავაზობს რუსთაველის გამზირზე მოუსმინონ ხალხს:
“ვინ არის წულუკიანი ან მისი კომისია, რომ მე მიბარებს?! მეც ვიბარებ – რუსთაველზე, ქართველ ხალხთან და მოვიდეს!
არანაირი ლეგიტიმური პარლამენტი არ გვყავს! შესაბამისად, არც კომისია არსებობს!
ეს არის ივანიშვილის ჯიბის პარლამენტი! ე.წ. კომისია კი ღალატის გარდა არაფერს ნიშნავს!
ეს არის პროპაგანდის ნაწილი რომლითაც ცდილობენ ხალხის ყურადღების გადატანას მათ მიერ შექმნილი პოლიტიკური და ეკონომიკური კრიზისიდან.
თუ ვინმეს პასუხი უნდა, კეთილი ინებოს და ხალხს მოუსმინოს რუსთაველზე! იქ გაიგებენ სიმართლესაც და პასუხსაც!” – აცხადებს გიორგი ვაშაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
