,,სტრატეგია აღმაშენებლის” თავმჯდომარე, გიორგი ვაშაძე ჟურნალისტებთან კომენტარს აკეთებს მეგობარი აქტის შესახებ და კონკრენტული კითხვებით მიმართავს მთავრობის მეთაურ ირაკლი კობახიძეს:
,,შეკითხვა მინდა დავუსვა ირაკლი კობახიძეს – ამერიკის სენატმა, საგარეო კომიტეტმა მიიღო ,,მეგობარი აქტი”.
მე მინდა გკითხო პირადად შენ და შენს თანაგუნდელებს – ,,მეგობარი აქტი” ითვალისწინებს საქართველოში ამერიკული ინვესტიციების შემოტანას, თქვენ ამას ეწინააღმდეგებით?! თქვენ ეწინააღმდეგებით უვიზო მიმოსვლას ამერიკასთან, რომელსაც გვთავაზობს ამერიკა?! თქვენ წინააღმდეგი ხართ იმის, რომ ქართველი ახალგაზრდები წავიდნენ და განათლება მიიღონ ამერიკაში?! თუ იმას ეწინააღმდეგებით, რომ მეტი ვაჭრობა გვქონდეს უფრო თავისუფალი ამერიკის შეერთებულ შტატებთან?! თუ იმას ეწინააღმდეგებით, კითხვაზე პასუხი გამეცით კონკრეტულად, რომ მეტად დაგვეხმაროს ამერიკა თავდაცვისუნარიანობის გაძლიერებაში?!
ათას სიგიჟეს საუბრობენ თქვენი თანაგუნდელები. კითხვა მაქვს – თქვენ ამ ყველაფრის წინააღმდეგი ხართ?! ანუ არ გინდათ, რომ ქართველებმა უვიზოდ იარონ ამერიკაში?! არ გინდათ, რომ ამერიკული კომპანიები შემოვიდნენ?! არ გინდათ, რომ ჩვენმა ახალგაზრდებმა განათლება ამერიკაში მიიღონ?!
დააფიქსირეთ ამაზე კონკრეტული პოზიცია და უფრო მეტიც, კითხვას ვსვამ: როდის უფრო დაცული იქნება საქართველო და როდის უფრო მეტად იქნება მშვიდობა გარანტირებული საქართველოში – როდესაც ამერიკის მსგავსი ზესახელმწიფო შენს გვერდით არის თუ როდესაც მარტო ხარ მიტოვებული ბედის ანაბარა და საჯიჯგნად ხარ მტრისთვის ქცეული?!
ამ კითხვებს გაეცით კონკრეტულად პასუხი.
თქვენ ახლა ფაქტობრივად ყველაფერზე საუბრობთ გარდა იმ რეალობისა, რაზეც საუბარი არის ,,მეგობარ აქტში“, – განაცხადა გიორგი ვაშაძემ.
