ქუთაისში, პარტია “თავისუფალი საქართველოს” თანათავმჯდომარე გოგი წულაია დააკავეს. შემთხვევა დღეს, ქუთაისის ცენტრში მოხდა. გავრცელებული ინფორმაციით, გოგი წულაიას, პილიციელისათვის სამსახურებრივი მოვალეობის შესრულების დროს, სიტყვიერი შეურაცხყოფის მიყენებას ედავებიან.
წულაიას ქალაქში პატრულმა პირადობის მოწმობა მოსთხოვა და უთხრა მას, რომ საგანგებო მდგომარეობის დროს პროტესტის უფლება არ ჰქონდა. მცირედი შელაპარაკების დროს უცენზური სიტყვების გამო, წულაია განყოფილებაში გადაიყვანეს. საქმე ადმინისტრაციული სამართალდარღვევის კოდექსის 173-ე მუხლით აღიძრა.
შეგხსენებთ, წულაიას ბრიფინგი სავალუტო პუნქტების დახურვის გამო ჰქონდა და აცხადებდა, რომ ამ შეზღუდვით ადამიანები უმუშევრები რჩებიან.
კომენტარები - დატოვეთ თქვენი მოსაზრება
